വെളുത്തുള്ളി... !!

ശാസ്ത്രിയ നാമം : Allium sativum
                                   (Lilliaceae)
സംസ്‌കൃത നാമം :rasona, lasoona

രസ പഞ്ചകം :

രസം :മധുരം , അംള, കടു, തിക്ത,               കഷായം

ഗുണം :സ്നിഗ്ദ്ധ, ഗുരു, തീക്ഷ്ണ

വീര്യം :ഉഷ്ണം

വിപാകം :കടു

കർമ്മം :വാത-കഫഹരം, ബല്യം, ബ്രംഹണം, രസായന, നേത്ര്യം, വൃഷ്യം

എല്ലാ വീടുകളിലും നിത്യമായി അടുക്കളയിൽ ഉപയോഗിക്കുന്ന ഒന്നാണ് വെളുത്തുള്ളി. നിത്യമായി ഉപയോഗിക്കാറുണ്ടെങ്കിലും അതിന്റെ കൃത്യമായ ഗുണങ്ങളും  ഉപയോഗങ്ങളും പലരും അറിയുന്നില്ല.

വാതഹര ദ്രവ്യങ്ങളിൽ ശ്രേഷ്ഠമെന്നാണ്  വാഗ്ഭടാചാര്യ  രസോനത്തേ വിശേഷിപ്പിക്കുന്നത്.

*വെളുത്തുള്ളി, ചുക്ക്‌, നൊച്ചിയില എന്നിവ കഷായമാക്കി സേവിക്കുന്നത് ആമവാതത്തെ ശമിപ്പിക്കാൻ ഉപയോഗപ്രദമാണ്.

*അതിരാവിലെ വെറുംവയറ്റിൽ വെളുത്തുള്ളിയുടെ നീര് പാലിൽ  ചേർത്തത്തും ഒപ്പം തന്നെ മാംസ രസവും  സേവിക്കുന്നത്  യോനി രോഗങ്ങൾ ഇല്ലാതാക്കാൻ സഹായിക്കുന്നു.

*ലശൂന ക്ഷീരപാകം:
വെളുത്തുള്ളി തൊലി കളഞ്ഞു വൃത്തിയാക്കി ഒരു രാത്രി മോരിൽ ഇട്ടു വയ്ക്കുക.
അടുത്ത ദിവസം മോരിൽ ഇട്ടുവച്ച ലശൂന; പാൽ, വെള്ളം
എന്നിവ 1:8:8 എന്ന അളവിൽ എടുത്ത് ചെറുതീയിൽ ചൂടാക്കുക.
വെള്ളം പൂർണ്ണമായും വറ്റി പാൽ മാത്രം ശേഷിക്കുന്നത് വരെ തിളപ്പിക്കുക.ഈ മിശ്രിതം അരിച്ചെടുത്ത്  ഉപയോഗിക്കാവുന്നതാണ്.

ആമവാതം,ജ്വരം,സന്ധിവാതം, എന്നിവയ്ക്ക് ഫലപ്രദമാണ്.

90 ml ഓളം ക്ഷീരപാകം തേൻ ചേർത്ത് കഴിക്കുന്നത് വിശപ്പ് കൂട്ടാനും  സഹായിക്കും.